Ал шарап өндірісі бірден 38,2%-ға қысқарып, 26,8 миллион литрге дейін төмендеді. Коньяк өндірісі де азайды (-11,7%, 9,4 млн литрге дейін).
Биылғы қаңтарда алкоголь өнімі былтырғыдан 7,2%-ға қымбат. Соның ішінде шарап пен сыра 8%-ға, арақ 6,2%-ға қымбаттады. Шарап кейінгі төрт жылда, ал сыра бағасы кейінгі екі жылда тым жоғары көтеріліп отыр.
Қаңтар айының қорытындысы бойынша, арақ Шығыс Қазақстан облысында (бір жылда 14,2%) елеулі мөлшерде қымбаттады. Ал Атырау облысындағы бағасы елеусіз өсті (3,4%). Шымкентте тіпті арзандаған (минус 2%).
Қалаларда бір литр арақ орташа 3 392 теңге тұрады. Жоғары баға елорда, Атырау және Ақтауда (3 864 тг), төмен баға Көкшетау, Өскемен және Таразда тіркелді.
Арақ пен ликер-арақ өнімдері көптеп импортталып та, экспортталып та жатыр. Экспорт жылдық динамикада 133 есе өсіп, 1,7 млн литрге дейін жетті.
