Арқалық қаласында әуежай терминалын салу және ұшып-қону жолағын реконструкциялау жобасы жүзеге асырылып жатыр, деп хабарлайды inbusiness.kz сайты.
Жобаны іске асыруға 20 млрд теңгеден астам қаражат қарастырылған. Оның 5,5 млрд теңгесі прокуратура органдары мемлекетке қайтарған заңсыз иемденілген активтер есебінен бөлінген.
Қадағалау органының мәліметінше, қайтарылған активтерді моноқала инфрақұрылымын жаңғыртуға бағыттау – қаржыны қоғам игілігіне тиімді пайдаланудың бір көрінісі.
Жоба жүзеге асқаннан кейін Амангелді ауданы мен Жангелді ауданы тұрғындары үшін елорда және облыс орталығымен әуе қатынасы жақсарады деп күтілуде.
Сонымен қатар заманауи аэровокзал кешенін салу моноқала экономикасының дамуына серпін бермек.
Қостанай облысының прокуратурасы жоба жүзеге асырылуын бақылауда ұстап отырғанын мәлімдеді.
