Армения ҰҚШҰ құрамынан заңды түрде шығу туралы шешім қабылдаған жағдайда да ұйым өз жұмысын жалғастырады, деп хабарлайды inbusiness.kz Сыртқы істер министрінің орынбасары Роман Василенко мәлімдемесіне сілтеме жасап.
"Ұйым оған мүше елдердің бірі қатысуын тоқтатып жатса да, әрине, өзінің әрі қарайғы қызметін жалғастыра береді. Ұйымды құратын шартта жаңа мүшелердің кіруі және қазіргі мүшелердің шығуы туралы барлық шарттар жазылған. Менің білуімше, Армения ұйымға қатысуын уақытша тоқтату үшін ешқандай құқықтық қадамдар жасаған жоқ. Қазір Қазақстан өкілі ҰҚШҰ-ның Бас хатшысы екені белгілі. Қазақстан, біздің ойымызша, қауіпсіздік саласындағы өте маңызды ұйымды нығайтуға барынша тырысады", — деді СІМ өкілі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
