Үндістан Арменияға 250 миллион долларға бағаланған қару-жарақ пен оқ-дәрілердің үлкен партиясын жеткізеді, деп хабарлайды inbusiness.kz үнділік The Economic Times басылымына сілтеме жасап.
Қыркүйек айының басында екі елдің үкіметтері арасында тиісті келісімшарттарға қол қойылды. Оның құны жария етілмесе де, ағылшын тіліндегі газеттердің мәліметіне сенсек, онда 20 миллиард рупия немесе долларлық баламада 244 миллион туралы айтылады.
Үндістан армиясының өзі жақында осы жүйелердің 6 қосымша полк жиынтығына тапсырыс берді. Сонымен қатар осы ұшыру қондырғыларына арналған кеңейтілген қашықтықтағы зымырандарды сынап көрді.
Мәміле аясында Үндістан Арменияға танкке қарсы зымырандар мен басқа да көптеген оқ-дәрілерді жеткізеді.
"Арменияның қажетті қару-жарақ пен әскери техниканы сатып алуға барлық қаржылық мүмкіндіктері бар", – деді Премьер-Министр Никол Пашинян 13 қыркүйекте республика парламентінде сөйлеген сөзінде.
Үкімет басшысы сол кезде заң шығарушыларға аймақтағы ауқымды шиеленістен кейін армян-әзербайжан шекарасындағы жағдайды түсіндірді.
