Еревандағы наразылық білдірушілер бүгін Министрлер Кабинетінің мүшелерін ғимараттан шығармау үшін Армения Үкіметінің ғимаратына кіретін жолдарды жабуға тырысты, деп жазады inbusiness.kz.
Наразылық білдірушілер ғимаратты жан-жағынан қоршауға алды, бірақ полиция қызметкерлері оларды Мелик Адамянның іргелес көшесіне қарай алға жылжуына жол бермей, тойтарыс бере алды.
Ашынған жұртшылық полиция қызметкерлерімен күресіп жатқанда Премьер-Министр Никола Пашинянның кортежі ғимараттан шығып үлгерді.
Армян оппозициясы осы жұманың басында 24/7 режимінде үкіметке қарсылық шараларын бастады. Ереванда төртінші күн қатарынан наразылық акциялары өтіп жатыр. Митингіге шыққандар Таулы Қарабақ билігінің саясатына наразы және Пашинянның отставкаға кетуін талап етеді.
