Он салмақ дәрежесіндегі командалар құрамына әскер балуандарымен қатар Азия мен Қазақстанның танымал спортшылары, халықаралық турнирлердің жеңімпаздары мен жүлдегерлері қатысты.
Турнир қорытындысы бойынша спорт ротасының мерзімді қызметтегі әскери қызметші Айдос Сұлтанғали (60 кг), нұсқаушы спортшылар Сұлтан Әсетұлы (63 кг) және Демеу Жадраев (77 кг) чемпион атанды. Күміс медальді лейтенант Асхат Ділмұхамедов (77 кг) жеңіп алды. Қола жүлде Данияр Қаленовке (67 кг) және Мақсат Ережеповке (82 кг) бұйырды.
"Чемпионатта әскерилер жақсы физикалық дайындықтарын көрсетті. Бұл
жарыстар біз үшін өте маңызды. Олардың нәтижелері бойынша 2021 жылы Токиода өтетін Олимпиадада Қазақстанның атынан шығатындар іріктелетін болады. Сондай – ақ, турнир жеңімпаздары келесі жылдың ақпан айында Алматыда өтетін Азия чемпионатында өздерін көрсетуге мүмкіндік алады",- деді орталық спорт клубының грек-рим күресінен команда аға жаттықтырушысы Нұрым Дүйсенов.
