Ақтөбелік полицейлер күдіктілерді Темір ауданының Шұбарқұдық ауылының маңында ұстады.
"Ваз-2114" көлігін тізгіндеген 50 жастағы жүргізуші күдік тудырған. Тексеру барысында автокөлікте болған үш адамның рұқсатсыз аң атқаны анықталды. Құқық қорғаушылар 2 тегіс ұңғылы аңшы мылтығын тәркіледі. Енді күдіктілер қаруды заңсыз пайдаланғаны және рұқсатсыз аң аулағаны үшін ҚР Әкімшілік құқық бұзушылық туралы кодексіне сәйкес жауап береді.
Полиция департаменті, баспасөз қызметінің мәліметінше, өңірде "Қарда жүргіш" жедел-профилактикалық іс-шарасы басталғалы аң аулау ережелерін бұзу дерегі бойынша 66 іс тіркелген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
