Бұл туралы орталық коммуникациялар қызметіндегі баспасөз мәслихатында айтылды, деп хабарлайды inbussines.kz тілшісі.
"Барлық материалдар қуғын-сүргін түрлері және қуғын-сүргінге ұшырағандардың санаты бойынша жіктеледі. Шағын комиссиялардың жетекшілері білім және ғылым, мәдениет және спорт министрліктерінің қызметкерлерімен бірге өңірлік комиссиялардың қызметіне бақылау жасау үшін аймақтарға көшпелі инспекциямен шығып тұрады", – деді Ералы Тоғжанов.
Оның айтуынша, инспекция өңірлік комиссияларға әдістемелік көмек
көрсетеді.
"Мәдениет және спорт министрлігі ұлттық мұрағат пен орталық мемлекеттік мұрағат базасында саяси қуғын-сүргін мәселелері жөніндегі мұрағат материалдарының арнаулы қорын құрды. Бүгінде мұрағаттарда саяси қуғын-сүргін құрбандарына қатысты мыңнан астам мұрағаттық іс сақталып тұр. Бұл бізде енді ғана басталған ауқымды жұмыстың бір бөлігі ғана екені сөзсіз. Аталған қор комиссия қызметінің аясында құпия белгісі алынған құжаттармен толықтырылып отырады", – деді Ералы Тоғжанов.
Қанат Махамбет
