Қазақстандағы Street-workout федерациясының вице-президенті Ислам Бадургов Арнольд Шварценеггерді Астанада өтетін ЭКСПО-2017 көрмесіне шақырды, деп хабарлайды baq.kz.
Бұл туралы Ислам Бадургов өзінің Инстаграмдағы парақшасында жазды. Ол Оңтүстік Калифорния университетінде мектептен кейінгі білім алуға арналған Ұлттық саммит-2017 шарасына қатысқанын айтқан. Жиында саммитті ұйымдастырушы әрі басты спикері Арнольд Шварцнегер болыпты.
"Ресми бөлім аяқталған соң Арнимен жеке сөйлесудің мүмкіндігі туды. Оған біздің қозғалыстың жұмысы жайлы айтып, өте бағалы кеңес алдым. Жалпы барлығы да керемет!
Тағы да айтарым, Шварцнегер Астанада өтетін халықаралық ЭКСПО-2017 көрмесіне шақырылды", – деп жазды Ислам Бадургов.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
