Әкімшілік кодекске сәйкес, Заңға енгізілген түзетулерде әртістерді "сахнадағы әдепсіз қылықтары" үшін жазалау қарастырылған, деп жазады inbusiness.kz ҚР Президенті жанындағы орталық коммуникациялар қызметіне сілтеме жасап.
2020 жылы мәдени ойын-сауық іс-шараларын ұйымдастырушылар мен орындаушыларға қойылатын талаптарды белгілейтін, фонограмманы пайдалану туралы міндетті түрде хабардар етуді, сондай-ақ әдепсіз қылықтарға жол бермеу бойынша этикалық сипаттағы әртістерге қойылатын талаптарды көздейтін "Мәдениет туралы" Заңға түзетулер енгізілді.
Бұл туралы ОКҚ-да өткен брифингте МСМ Мәдениет комитеті төрағасының орынбасары Күміс Сейітова мәлімдеді.
Оның айтуынша, ведомство келесі кезеңге өтеді. Бұл – Әкімшілік құқық бұзушылық туралы кодекс шеңберінде осындай мінез-құлыққа жол берілген жағдайда айыппұл санкцияларын енгізу жөніндегі жұмыс.
