DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
Аружан Сайын Аягөз интернаты мәселесін көтерді

Аружан Сайын Аягөз интернаты мәселесін көтерді

Мекеме қарауындағы балалардың ата-аналары Аружан Сайын мен Даниал Ахметовке үндеу жолдады.

23 Мамыр 2020 20:51 151

Аружан Сайын Аягөз интернаты мәселесін көтерді

«Аягөз балалар арнайы әлеуметтік қызметтер көрсету орталығы» мемлекеттік мекемесі қарауындағы ерекше қажеттіліктері бар балалардың ата-аналары Аружан Сайын мен облыс әкімі Даниал Ахметовке үндеу жолдап, мемлекеттік мекеме қабырғасында балалары аяусыз жазаланатынын, материалдық тұрғыдан жабдықталуы көңіл көншітпейтінін, балалар денсаулығына жеткілікті дәрежеде көңіл бөлінбейтінін, ата-аналар балаларының қалай тамақтандыратынын біле алмайтынын және басқа да көптеген мәселені көтерді. 

Бұл үндеуді Бала құқықтары жөніндегі уәкіл Аружан Сайын өзінің әлеуметтік желідегі парақшасында жариялап, тікелей эфирде үндеуге қатысты көзқарасын білдірді.

«Бұндай мекемелерге ата-аналар арнайы қажеттілігі бар баларына үйде жақсы күтім көрсетуге мүмкіндігі болмағаннан кейін, медициналық, педагогикалық, әлеуметтік тұрғыдан қамтамасыз етілуі үшін еріксіз береді. Бірақ осындай мекемелер қызметін қалай жүзеге асырып жатыр? Барлық мемлекеттік және халықаралық нормаларға сай ма?», – деген сұрақ қоя отырып, балалар құқығын қорғаушы Аягөз интернатындағы жағдайға тоқталды. 

Аружан Сайынның айтуынша, Аягөз интернатынан шағымдар 2019 жылы түскен. Құқық қорғаушылар тиісті органдарға жүгінгеннен кейін тексерістер жүргізілген. 

«Менің ойымша тексерістер немқұрайлы жүргізілген. Егер интернаттағы жағдайға уақытылы көңіл бөлгенде, мүмкін сәуір айында төрт бала көз жұмған қайғылы оқиға болмас па еді? Бір айда бір жерде төрт бірдей баланың өмірден озуы кездейсоқ жағдай дегенге сене алмаймын. Кеше ғана денсаулық сақтау вице-министрі Людмила Бюрабекова медициналық қорытындыны жариялады. Қорытындыға сүйенсек, балар ауруханаға кеш жеткізілген. Яғни интернатта балалардың жағдайы ауыр екеніне жіті мән берілмеген. Неге олар ауруханаға уақытылы жеткізілмеді? Құқық қорғау органдары мәселенің ақ-қарасын анықтап жатыр», – деді бала құқықтары жөніндегі уәкіл. 

Сонымен қатар, мекеме басшылығы карантин кезінде 179 қызметкерінің 45-ін ғана қалтырып, басқаларын демалысқа жіберген әрекетіне қоғам белсендісі таңданысын жасыра алмады. Осы 45 адамға үлкен жүктеме артылып, 105 балаға қажетті медициналық-педагогтық-әлеуметтік қызметтер көрсетуіне тура келген. 

Нұржан Көшкін
 

inbusiness.kz-ті қараңыз, оқыңыз :

Аружан Сайын: Қайыршы балаларға садақа бермеңіздер

Ол күнкөрістің осындай түріне мәжбүрлі түрде түскен жеткіншектерді қанаудан қорғау үшін кешенді шаралар қабылдауға ниетті  екенін айтты. 

10 Қазан 2019 14:16 568

Аружан Сайын: Қайыршы балаларға садақа бермеңіздер

Бала құқықтары жөніндегі уәкіл Аружан Сайын қазақстандықтарды қайыршы балаларға садақа бермеуге шақырды, деп хабарлайды Atameken Business.

Ол күнкөрістің осындай түріне мәжбүрлі түрде түскен жеткіншектерді қанаудан қорғау үшін кешенді шаралар қабылдауға ниетті екенін айтты. Бұл туралы омбудсмен өз инстаграм парақшасында жазды.

Осы орайда, Сайын қайыршы бүлдіршіндер жайлы ақпаратты жинау үшін қазақстандықтарды көмекке шақырды. Ол азаматтардан жалғыз не үлкендермен бірге жүрген қайыршы баланы көргенде, суретке түсіріп алуды өтінді. Жеткіншекті қайда және қашан көргендігін ватсап арқылы +7 747 674 1554 нөміріне жолдауға болады.

Жоғалған альпинистердің туыстары үміт үзбей отыр

Алматы қаласының альпинизм федерациясы «Победа» шыңында жоғалып кеткен альпинистерді аман табу неғайбыл екендігін мәлімдеді. 

21 Тамыз 2019 12:05 457

Жоғалған альпинистердің туыстары үміт үзбей отыр

Соңғы мәліметтерге сүйенсек, бортында Василий Пивцов пен Мақсұт Жұмаев бастаған құтқару тобы бар Қазақстанның әскери тікұшағы «Победа» шыңын толық шарлап шыққан. Алайда альпинистерден еш белгі байқалмаған. Тікұшақ бүгін соңғы рет іздеуге аттанады. Тіршілік белгісі байқалмаған жағдайда, құтқару жұмыстары тоқтайды.

Ал Мұрат Өтепбаев пен Андрей Корнеевтің туыстары үміт үзер емес, олар іздестіруді тоқтатпауды сұрап отыр. Тіпті Президентке де үндеу жолдаған. 

«Президентіміз Қасым-Жомарт Кемелұлы Тоқаевқа, ішкі істер министрі Ерлан ЗаманбекұлыТұрғымбаевқа және қорғаныс министрі Нұрлан Байұзақұлы Ермекбаевқа іздестіру жұмыстарын тоқтатпауды сұрап, үндеу жолдаймын. Менің жолдасым тәжірибелі альпинист болғандықтан,  оларды аман-есен табу ықтималдығы жоғары. Біздің төрт баламыз бар, оның екеуі кәмелет жасына толмаған. Олар әкесін күтіп отыр», – дейді Мұрат Өтепбаевтің жары Шахаризад Шахбутова.

Іздестіру жұмыстарына тепловизорлар да пайдаланылған. Алайда альпинистердің туыстары бұл құрылғы күндізге қарағанда, түнгі уақытта жақсы көмектесетіндігін айтады. Ол үшін түнде ұшуға рұқсат берілуге тиіс. 

Ал альпинистердің жоғалған күнінен бастап оқиғаны жіті қадағалап отырған Алматы қаласы  альпинизм федерациясы Фейсбуктегі парақшасында: «Мұрат Өтепбаев пен Андрей Корнеевті тірі күйінде табу мүмкіндігі жоқ», – деп жазды.

«Өкінішке қарай, альпинистерді тірі күйінде табу мүмкін емес. Оны мойындауымыз керек. Тікұшақ бүгін аспанға көтеріліп, соңғы рет шыңды айналып шығады. Одан кейін құтқару-іздеу жұмыстары тоқтайды. Мұрат Өтепбаев, Андрей Корнеев, Александр Чечулиннің туыстарына көңіл айтамыз. Бұл қазақстандық альпинизм үшін орны толмас қайғы», – делінген федерацияның Фейсбуктегі парақшасында.

Құралай Құдайберген

Жаңалықтарға жазылу: