/img/tv1.svg
RU KZ
DOW J 26 963,08 РТС 1 425,03
Hang Seng 26 826,59 FTSE 100 6 907,32
KASE 2 302,72 Brent 51,69
Арыс қаласында қойма аумағында жарылыс болды

Арыс қаласында қойма аумағында жарылыс болды

13 қыркүйекте әскери қызметшілер қойма аумағын оқ-дәрілер фрагменттерінен тазарту жұмыстарын орындау кезінде жарылыс болды. 

14 Қыркүйек 2019 10:39 2162

Арыс қаласында қойма аумағында жарылыс болды

Жарылыстан келісімшарт қызметінің 4 әскери қызметшісі жарақат алды, деп хабарлады Қорғаныс министрлігінің баспасөз қызметі.

«Олардың барлығы әскери бортпен Алматы қаласындағы ҚР Қорғаныс министрлігінің әскери клиникалық госпиталіне жеткізілді. Осы факті бойынша әскери полиция тексеру жүргізуде. Бейбіт тұрғындардың қауіпсіздігіне ешқандай қатер төнбейді, жағдай бақылауға алынды. Қала аумағын және оқ-дәрілерді сақтау объектілеріне іргелес аумақтар тазартылғаннан кейін оқ-дәрілер фрагменттерінің негізгі бөлігі бөлім аумағында тұрғанын және бейбіт тұрғындарға ешқандай қатер төндірмейтінін естеріңізге саламыз»,– делінген хабарламада.

Қорғаныс министрлігі тек ресми дереккөздердің ақпараттарына сенуді және расталмаған ақпарат таратпауды сұрайды.

Тұрғындардан күдікті зат табылған кезде дереу 102 нөміріне хабарласуды, өз бетімен ешқандай әрекет жасамау керектігін еске салады.

inbusiness.kz-ті қараңыз, оқыңыз :

Магнитогорскіде апаттан қаза тапқандардың саны артты

Желтоқсанның 31 күні тұрмыстық газ жарылып, салдарынан 9 қабатты үйдің тұтас бір кіреберісі опырылып түскен еді. 25 пәтер толығымен жойылды. 

03 Қаңтар 2019 08:06 407

Магнитогорскіде апаттан қаза тапқандардың саны артты

Магнитогорскідегі апат кезінде қаза тапқандардың саны артып, 33-ке жетті. Олардың арасында 6 бала бар, деп хабарлайды 24.kz. 

Қирандылар астынан табылған 21 марқұмның аты-жөні анықталды. 5 адам құтқарылды. Тағы 10 тұрғын іздестіріліп жатыр.

Бұған дейін құлағалы тұрған қабырғаға байланысты іздестіру-құтқару жұмыстары біраз саябырлаған еді. Ауыр техниканы қолдану қауіпті болғандықтан, құтқарушылар үйінділерді қолмен аршып, тазалауға көшкен. Бірақ ауа райының қолайсыздығынан құтқару жұмыстарын жүргізу қиынға соғып тұр. Себебі, түнде сынап бағанасы минус 24 градусқа дейін жетіп отыр.

Естеріңізге сала кетейік, желтоқсанның 31 күні тұрмыстық газ жарылып, салдарынан 9 қабатты үйдің тұтас бір кіреберісі опырылып түсті. 25 пәтер толығымен жойылды. Тағы 10 шақты пәтерге зақым келген. Оқиғаға қатысты қылмыстық іс қозғалып, тергеу жүріп жатыр.

Балконда отшашу атпақ болған ақтөбелік ауруханаға түсті

Жағдайы ауыр. Оның оң жақ қолының еті жыртылып, саусағы зақымданды. Науқас травматикалық шок алды

02 Қаңтар 2019 13:23 446

Балконда отшашу атпақ болған ақтөбелік ауруханаға түсті

30 жастағы ақтөбелік Жаңа жыл мерекесінде жансақтау бөліміне түсті. Оның қолында отшашу жарылып кетті, деп хабарлайды ҚазАқпарат.

Ақтөбеде мереке күні жедел жәрдем қызметіне жүгінгендер аз болмады. 31 желтоқсан күні сағат 18:00 мен 1 қаңтарда сағат 8:00-ге дейін қала тұрғындарынан 400-ден астам шақыру келіп түсті. Жедел жәрдем бригадасы 383 жерге барса, диспетчерлер 18 шақыртуға телефон арқылы кеңес берді. Көбінің қан қысымы, ал балалардың дене қызуы көтерілді. Жүрегі ауырған 6 адам шұғыл жансақтау бөліміне жеткізіліп, жатқызылды. Жаңа жыл түні түрлі отшашудан жарақат алғандар да тіркелді. Дәрігерлер осындай оқиға болған 15 жерге барды.

«Сағат түнгі 12-ден 21 минут өткенде отшашудан зақым алған адамға көмек сұралды. Жедел жәрдем шақыртуға 9 минутта жетті. 30 жастағы ақтөбелік балконда отшашу атпақ болған. Бірақ үлгермей, петард қолында жарылып кеткен. Ол бірден облыстық жедел жәрдем ауруханасына түсті. Жағдайы ауыр. Оның оң жақ қолының еті жыртылып, саусағы зақымданды. Науқас травматикалық шок алды», - деп хабарлады Ақтөбе облыстық денсаулық сақтау басқармасының өкілі.

Жаңалықтарға жазылу: