Тап қазіргі уақытта Түркістан облысының медициналық мекемесіне Арыстағы әскери қоймадағы жарылыс салдарынан зардап шеккен 16 адам түсті, деп хабарлады облыс әкімінің кеңесшісі Сәкен Қалқаманов аталған денсаулық сақтау басқармасына сілтеме жасап.
"Облыстық денсаулық сақтау басқармасының хабарлауынша, қазіргі уақытта облыстағы медициналық мекемелерге жеңіл және орташа дәрежедегі жарақат алған 16 адам түскен. Оның бірі әскери адам, ол облыстық ауруханаға жіберілді", – деп жазды Қалқаманов дүйсенбі күні facebook-тегі парақшасында.
Бұған дейін Қалқаманов алты зардап шеккен адам туралы айтқан болатын. Ал Шымкент ауруханасының қабылдау бөлімінде 10 зардап шегуші көмек сұраған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
