Түркістан облысының әкімі Өмірзақ Шөкеевтің бастамасымен бүгін арыстық 200-ге жуық ардагер "Мейір" ардагерлер үйіне аттанды, деп хабарлайды әкімдіктің баспасөз қызметі.
Онда ардагерлерге түрлі медициналық қызметтер көрсетілетін болады. Атап айтқанда, физиотерапиялық, парафинмен, озокеритпен емдеу, дене шынықтыру, дәрі егу сынды ем-дом көрсетіледі. Демалушылар күніне төрт мезгіл тамақтанады. Жалпы демалу мерзімі – 15 күн.
Айта кетерлігі, Арыс қаласында 3900-ден астам зейнеткер тұрады. Бүгін, 8 шілдеде "Мейір" ардагерлер үйіне 190 зейнеткер аттанса, 9 шілдеде 200 зейнеткер жолдама алады. Жалпы, шілде-тамыз айларында барлығы 1360 зейнеткер қамтылады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
