Түркістан облысының Арыс қаласындағы жойқын жарылыстан кейін, жергілікті халық көшіріліп жатыр.
"Тап қазір халық Шымкент пен Түркістанға көшірілуде. Халықты көшіруге шамамен 40 шақты автобус жіберілген. Әзірге зардап шегушілер мен қайтыс болғандар туралы ақпарат жоқ, бар ақпарат осы", – деді жедел желіден хабарлаушы.
Түркістан облысының денсаулық сақтау басқармасы ауруханалардағы емделушілер де көшіріліп жатқанын хабарлады. Сондай-ақ темір жол қатынасы тоқтаған.
"Ауруханалардағы емделушілер қызметтік көлікпен және жеке көлікпен әкетіліп жатыр", – деді дереккөз.
Ал әлеуметтік желі пайдаланушылары әскери бөлім аумағындағы жарылысты, оқиға салдарын жариялап жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
