Түркістан облысы әкімінің кеңесшісі Сәкен Қалқаманов Facebook-тегі парақшасында төтенше жағдай орын алғанда күні бойы дамыл таппай, адамдарды құтқарумен айналысқан өрт сөндірушілердің демалған сәтінен фото жариялады.
"Өрт сөндірушілер алдында басымды иемін, өз өмірлерін тәуекелге тігіп олар күні бойы Арыста өрт сөндірді, қирандыларды аршып, тұрғындарды эвакуациялады. Түнде оларға қауіпсіз жерден қоналғы орын ұйымдастырылды, олар штабта, спорт зал еденінде көз шырымын алды. Таңға қарай әскери бөлім аумағынан өзге қаладағы барлық өрт толық сөндірілді. Нағыз батырлар. Төтенше жағдайды жоюға 400-ге жуық сарбаз жұмылдырылды",– деп жазды ол.
Айта кетсек, Арыс қаласында кеше таңертең басталған жарылыстар, бір тәуліктен кейін ғана бәсеңдей бастады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
