Биыл үге арналған жиһаз өндірісінің көлемі азайды. Energyprom.kz басылымының дерегінше, асхана мен қонақ бөлмеге арналған ағаш жиһаз шығару 2020 жылдың қаңтар және қазан айлары аралығында 34,6%–ға, ас үй жиһазын жасау 15,3% -ға қысқарды. Жатын бөлмеге арналған ағаш жиһазының өндірісі 10,3%-ға өсті
Асхана мен қонақ бөлмеге арналған ағаш жиһаз өндірушілері үш тоқсанның қорытындысы бойынша сұранысты тек 9,4%-ға қамтамасыз етті, ал импорт үлесі 88,2% - дан 90,6%-ға дейін өсті.
Елімізге асхана мен қонақ бөлмеге арналған 322,8 мың дана ағаш жиһаз әкелінді. Бұл өткен жылмен салыстырғанда 12,5%-ға аз.
Үйге арналған жиһаз көбіне ТМД елдерінен әкелінеді: биылғы жылдың үш тоқсанында 66 мың тонна импортталды. Ал басқа елдерден 12,8 мың тонна жиһаз әкелінді.
Қаңтар және қазан айларында үй жиһазының бөлшек сауда бағасы өткен жылмен салыстырғанда 5,8%-ға өскен. Соңғы бес жылда айтарлықтай өсім 2017 және 2016 жылдары тіркелген болатын.
Табиғат Нұрболат
