Ауыл шаруашылығы министрлігі өтініштерді жедел қабылдап, анықтамалар мен мемлекеттік қызметтерді жеңіл көрсететін Telegram-ботті іске қосты. Ресми құралдың атауы - Agro-bot.
"Құрал қолданушылармен қазақ және орыс тілдерінде "тілдеседі", сұраныстарға жауап береді, субсидиялау, өсімдік шаруашылығы, мал шаруашылығы, ветеринария, өсімдіктерді қорғау және карантин, лицензиялау, жер қатынастары және т.б. мәселелер бойынша анықтамалық ақпаратты жедел бере алады. Электрондық қызметке тапсырыс беру үшін бот пайдаланушыны egov.kz порталының қажетті парақшасына өткізеді", - деп жазады министрліктің сайты.
Agro-bot арқылы ұсыныстар, шағымдар қалдырып, Ауыл шаруашылығы министрлігі және ведомствоның баспасөз қызметімен жедел байланыс орнату мүмкіндігі бар.
Есжан Ботақара
