28 қаңтардан бастап Қазақстанда пиязды ел аумағынан әкетуге үш айға тыйым салынғаны белгілі. Бұл үшінші елдердің отандық көкөністерге деген сұранысына байланысты туындады. Бұйрыққа сәйкес аумақтық инспекциялар экспортқа фитосанитариялық сертификаттарды рәсімдеуді тоқтатты, деп хабарлайды inbusiness.kz ҚР АШМ баспасөз қызметіне сілтеме жасап.
Алайда, құжат күшіне енгеннен кейін Ресей Федерациясымен шекараның кедендік өткізу бекеттерінде 2023 жылдың 28 қаңтарына дейін уәкілетті органдар тарапынан тыйым салу туралы бұйрық күшіне енгенге дейін рәсімделген, фитосанитариялық сертификаттары бар көліктердің кешігу мәселесі туындады.
Ережеге сәйкес, ауыр жүк көліктерінің жүргізушілері 28 қаңтарға дейін пиязды Қазақстаннан тыс жерлерге әкетуге тиіс еді. Батыс Қазақстан облысындағы "Сырым" өткізу пунктіне келген АШМ Агроөнеркәсіптік кешендегі мемлекеттік инспекция комитеті төрағасының м.а. тиісті түсініктеме берді. Қаныш Әлиев кездесуге қатысқандарға пиязды ішкі нарықта сату қажеттілігі туралы айтты, бұған жергілікті атқарушы органдар жәрдемдесуі тиіс. Кәсіпкерлер бұл мәселеге қатысты оң жауап берді. Нәтижесінде пияз тиелген 24 автокөлік Түркістан облысына оралды.
