Бұл туралы Алматы облысының әкімі Марат Сұлтанғазиев Орталық коммуникациялар қызметінде өткен брифингте айтты, деп хабарлайды inbusiness.kz сайты.
Тілшілер жақында рейдтік іс-шаралар нәтижесінде Іле ауданында табылған 6 жасар ұл баланың жағдайы туралы сұрады. Мамандар баланың аштықтан әбден тозып кеткенін, сөйлемейтінін анықтаған.
"Біз бұл жағдайды бақылап отырмыз. Бала алғашқы үш жылында қалыпты дамыған, кейіннен оның дамуы тоқтап қалды деуге болады. Бүгінде ол ем қабылдап жатыр. Әрине, баланың өмір сүру жағдайы өте нашар болған. Үйі астаң-кестең, иіс, мысық көп. Анасы баласын қарамаған. Ол бейтаныс адамдардан ғана емес, өз анасынан да қорқады. Қазір дәрігерлер мен психологтар жұмыс жүргізіп жатыр", - деді облыс әкімі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
