"Ашық НҚА" порталында мемлекеттік органдардың әлі қабылдамаған қаулылары мен бұйрықтарының жобасы не себепті толық жарияланбайтыны белгілі болды, деп хабарлайды inbusiness.kz сайты ҚазАқпаратқа сілтеме жасап.
Әділет министрлігі мұны порталдағы соңғы техникалық мәселелермен түсіндіріп отыр.
"НҚА жобаларын жария талқылау процесін оңтайландыру мақсатында НҚА заңға тәуелді жобаларын орналастыру форматы өзгертілді. Атап айтқанда, халыққа ыңғайлы болу үшін порталда танысу үшін қолжетімді нысанда НҚА жобасының негізгі мазмұны орналастырылатын болады", - делінген жауапта.
Ведомство заң жобалары мен реттеушілік саясаттың консультативтік құжаттарына қатысты бұрынғы тәртіп сақталатынын баса айтты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
