/img/tv1.svg
RU KZ
Асқар Мамин «ақылды қалалар» жобаларының жүзеге асырылу барысымен танысты

Асқар Мамин «ақылды қалалар» жобаларының жүзеге асырылу барысымен танысты

Премьер-Министр Ақмола облысының Ақкөл қаласына жұмыс сапары кезінде «Цифрлық Қазақстан» мемлекеттік бағдарламасы аясында «ақылды қалалар» жобаларын іске асыру барысын, сондай-ақ ұлттық ғарыштық байланыс жүйесінің дамуын тексерді.   

08 Тамыз 2020 17:03 238

Асқар Мамин «ақылды қалалар» жобаларының жүзеге асырылу барысымен танысты

Үкімет басшысы «ақылды қалалардың» заманауи технологияларын енгізу бойынша «SmartAqkol» жобасының өзегі болып отырған «Қазақтелеком» АҚ-ның Ахуалдық орталығының және Деректерді өңдеу орталығының жұмысымен танысты.   Жоба «Цифрлық Қазақстан» мемлекеттік бағдарламасы аясында жолдағы және қоғамдық қауіпсіздікті, оның ішінде білім беру мекемелері мен нысандарындағы бейнебақылау, денсаулық сақтау саласындағы мониторинг пен басқару, сондай-ақ ғимараттар мен тұрғын үйлерді жаңа буынның «ақылды» жабдықтарымен жабдықтау арқылы қаланың қалыпты тыныс-тіршілігін кешенді қамтамасыз ету мақсатында жүзеге асырылды.    

 «Ақкөл» ғарыштық байланыс орталығын аралау кезінде Премьер-Министрге «Kazsat» ұлттық ғарыштық байланыс жүйесінің дамуы туралы баяндалды, бұл байланыс жүйесі «KazSat-2», «KazSat-3» қос жерсерігінен және Ақмола облысындағы «Ақкөл» және Алматы облысындағы «Көктерек» қос жерүсті басқару кешенінен тұрады. «Ақкөл» ғарыштық байланыс орталығының құрамына ғарыш аппараттарының ұшуын басқару орталығы, мониторингті басқару орталығы, аппараттық-бағдарламалық және метрологиялық қамтамасыз ету орталығы, инфрақұрылымды пайдалану қызметі кіреді.         Қазіргі кезде «KazSat» байланыс жерсеріктерінің қызметін 15 негізгі қазақстандық байланыс және тарату операторы пайдаланады. «KazSat» ғарыштық байланыс жүйесінің жүктемесі 73%-ға жуық.  Сапарға Премьер-Министрдің орынбасары Р. Скляр, цифрлық даму, инновациялар және аэроғарыш өнеркәсібі министрінің міндетін атқарушы Б. Мусин, Ақмола облысының әкімі Е. Маржықпаев, «Қазақтелеком» АҚ басқарма төрағасы Қ. Есекеев және т.б. қатысты. 

Атыраудағы шекараға жақын Ақкөл ауылы карантинге жабылды

Бұған дейін Атырау облысы Құрманғазы ауданына қарасты Ақкөл ауылында коронавирус дертін жұқтырған бес адам анықталып, бір адам қайтыс болғанын жазғанбыз.  

10 Маусым 2020 16:51 279

Қазіргі күні ауылдан 19 адамның СOVID-19 инфекциясын жұқтырғаны анықталып, елді мекен түгел карантинге жабылды. Әзірге Ақкөл ауданның бас санитарлық дәрігері Карл Отаровтың қаулысымен 18 маусымға дейін жабылып отыр.  

Аудан әкімінің баспасөз қызметінен хабарлағандай, бұдан былай ауыл аймағынан кіріп-шығуға тиым салынған. ҚР ҚҚК Шекара қызметіне Ақкөл стансасынан пойыздардың есігін ашпай өту жөнінде тапсырылған. Дүкендер мен кафелер азық-түлік пен тағамдарды үйге шақыртумен ғана жеткізеді.

Ақкөл селосында 5 мыңға жуық адам тұрады, ондағы дерттің таралып кетуінің бір себебі – шекара аумағында орналасқандықтан делініп отыр. Себебі, ауыл Ресей Федерациясының Астрахан облысымен, атап айтқанда, ондағы Ақсарай стансасымен шектеседі, тұрғындар күнделікті қажеттіліктермен көрші елге жиі қатынайды.

Құралай Қуатова,

Атырау облысы

Қасым-Жомарт Тоқаев алғашқы жұмыс сапарын қасиетті Түркістаннан бастады

Сапар барысында облыс орталығы құрылысының барысымен танысу, бірқатар өндірістік және әлеуметтік нысандарды аралап көру, сондай-ақ өңірдің жұртшылық өкілдерімен кездесу жоспарланып отыр.

23 Наурыз 2019 12:08 1193

Қазақстан президенті Қасым-Жомарт Тоқаев алғашқы жұмыс сапарын қасиетті Түркістаннан бастады, деп хабарлайды ҚазАқпарат президенттің баспасөз хатшысы Берік Құрманғалиге сілтеме жасап. 

«Сапар барысында облыс орталығы құрылысының барысымен танысу, бірқатар өндірістік және әлеуметтік нысандарды аралап көру, сондай-ақ өңірдің жұртшылық өкілдерімен кездесу жоспарланып отыр», – деп жазды Берік Құрманғали өзінің Фейсбуктегі парақшасында.