/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
Асқар Мамин Дмитрий Медведевпен кездесті

Асқар Мамин Дмитрий Медведевпен кездесті

Қазақстан Республикасының премьер-министрі Асқар Мамин жұмыс сапарымен Ресей Федерациясына барды.

23 Тамыз 2019 09:43 371

Асқар Мамин Дмитрий Медведевпен кездесті

Татарстанда Асқар Мамин РФ үкіметінің төрағасы Дмитрий Медведевпен кездесті. Екі елдің премьер-министрлері Қазақстанның Тұңғыш Президенті – Елбасы Нұрсұлтан Назарбаев пен Ресей Президенті Владимир Путин негізін салып, дамытқан стратегиялық әріптестік пен одақтастықтың жоғары деңгейін атап өтті, деп хабарлайды primeminister.kz.

Тараптар биыл сәуір айында ҚР Президенті Қасым-Жомарт Тоқаевтың Ресейге ресми сапары аясында қол жеткізілген келісімдерді іске асыру барысын талқылады.

Үкіметаралық келіcсөздер сауда-экономикалық, инвестициялық ынтымақтастықты, өнеркәсіптік кооперацияны одан әрі арттыруға, энергетика, ауыл шаруашылығы, көлік салаларындағы өзара іс-қимыл мәселелеріне арналды. Кездесуде сонымен қатар шекара маңы және интеграциялық ынтымақтастықтың өзекті мәселелері қаралды.

«Жеткізілетін тауарлар мен қызметтердің номенклатурасын кеңейту, біздің бизнес-қауымдастықтар арасында тікелей байланыс орнату, сондай-ақ, үшінші елдер нарықтарына тауарларды ілгерілету бойынша бірлескен жұмыстарды жалғастыру қажет», – деп Асқар Мамин, ресейлік нарыққа 60-тан астам позиция бойынша қазақстандық тауарларды жеткізудің жоғары әлеуетін атап өтті.

Жұмыс сапары аясында Қазақстан премьер-министрі Асқар Мамин Ресей Үкіметінің басшысы Дмитрий Медведевпен бірге «WORLDSKILLS  KAZAN 2019» чемпионатының ашылу салтанатына қатысты. Чемпионат қарсаңында Асқар Мамин WorldSkills стандарттары бойынша кәсіби шеберліктен Қазақстанның ұлттық құрамасымен кездесіп, оларға жарыстарда сәттілік тіледі.  

inbusiness.kz-ті қараңыз, оқыңыз :

«ҚазМұнайГаз» бен «Татнефть» меморандумға қол қойды

«Самұрық-Қазына» ҰӘҚ» АҚ басқарма төрағасы Ахметжан Есімов Татарстан президенті Рустам Миннихановпен кездесті. 

11 Шілде 2019 09:47 188

«ҚазМұнайГаз» бен «Татнефть» меморандумға қол қойды

Кездесу барысында «ҚазМұнайГаз»ҰК» АҚ мен «Татнефть» ААҚ арасында өзара түсіністік туралы меморандумға қол қойылды, деп хабарлайды қордың қоғаммен байланыс жөніндегі департаменті.

Тараптар Қазақстанда мұнай өңдеу, мұнай-химия және газ-химия объектілерін жобалау және жаңғырту, сондай-ақ мұнай өндіру технологияларын, цифрлық технологияларды енгізу бойынша жобаларды жүзеге асыруда ынтымақтастастық туралы келісімге келді.

Атап өткен жөн, Татарстанның мұнай-химия өнеркәсібі мұнай өндіру саласында ең дамыған елдердің бірі. 

Кездесу соңында қор басшысы президентке жекешелендіру бағдарламасын ұсынды.

Қор үкіметтің 2015 жылы қабылданған кешенді жекешелендіру жоспарын жүзеге асыруға қатысады. Жоспарға енгізілген қор тобы активтерінің 80%-дан астамы жүзеге асырылды. Олардың маңыздыларының бірі «Қазатомөнеркәсіп» компаниясының 15% қатысу үлесін 2018 жылдың қараша айында IPO-ға орналастыру болды. Сондай-ақ, алдағы жылдары Қордың 8 негізгі компанияларын, оның ішінде «Эйр Астана», «Қазақтелеком», «ҚазМұнайГаз», «Самұрық Энерго», «Тау-кен Самұрық», «Қазпошта», «Қазақстан Темір Жолы» және «Qazaq Air» компанияларының акцияларын орналастыру немесе стратегиялық сату жоспарланып отыр. 

Елбасыға Алматының голографикалық макеті 3D-проекция түрінде таныстырылды

 3D-проекция имитациялауға және мегаполистегі түрлі үдерістерді модельдеуге мүмкіндік береді.

04 Қыркүйек 2018 16:14 515

Елбасыға Алматының голографикалық макеті 3D-проекция түрінде таныстырылды

Қазақстан президенті «Алматы Бас жоспары» ғылыми-зерттеу институты» жауапкершілігі шектеулі серіктестігіне барды, деп хабарлайды Ақорданың баспасөз қызметі.

Мемлекет басшысы қаланы тиімді басқаруға арналған ауқымды мәліметтер (Big Data) платформасын қызметі қамтитын ахуалдық орталықтың жұмысымен танысты. Қаланың 10 жүйесі мен республикалық жүйенің бірігуі шаһардағы автотрафик, қоғамдық көліктегі жүргіншілер ағынының күнделікті көлемі, мектептер мен балабақшалардың жүктемесі, қылмыстық ахуал жөніндегі мәліметтерді талдауға, сондай-ақ бюджеттің орындалуына мониторинг жүргізуге мүмкіндік береді.

Сонымен қатар, Нұрсұлтан Назарбаевқа Алматының голографикалық макеті үлкейтуге, имитациялауға және мегаполистегі түрлі үдерістерді модельдеуге мүмкіндігі бар 3D-проекция түрінде таныстырылды.

Қазақстан президенті «Алматы Бас жоспары» ғылыми-зерттеу институтын аралап көрген соң Алматы қаласын одан әрі дамыту жөнінде бірқатар тапсырма берді.

Жаңалықтарға жазылу: