DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
Асқар Мамин жұмыс сапарымен Алматы облысына барды

Асқар Мамин жұмыс сапарымен Алматы облысына барды

Биыл Алматы облысының агроөнеркәсіп кешенінде 42 инвестициялық жобаны жүзеге асыру жоспарланған.

23 Мамыр 2020 18:06 136

Асқар Мамин жұмыс сапарымен Алматы облысына барды

Фото: primeminister.kz

ҚР Премьер-министрі Асқар Мамин жұмыс сапары аясында Алматы облысындағы ауыл шаруашылығы және су шаруашылығының, сондай-ақ тұрғын үй және инженерлік инфрақұрылымның дамуын тексерді, деп хабарлады үкімет басшысының сайты. 

Ақсу ауданында Асқар Мамин жобалық қуаттылығы 42 млн куб м. болатын Қызылағаш су қоймасының реконструкциясымен танысты. Алдағы вегетация кезеңінде су қоймасы суармалы жерлердің аумағын кеңейтіп, сумен қосымша 7 мың га алқапты қамтамасыз етуге жол ашады. 

Үкімет басшысына Алматы облысының ирригациялық жүйесін жаңғырту жобалары туралы баяндалды. Өңірде 356 гидротехникалық құрылғы жұмыс істейді, ирригациялық желілердің ұзындығы — 16,6 мың шақырым.  Каналдарды, тоғандар мен гидротораптарды жөндеу және реконструкциялау бойынша жоспарланған жұмыстар 2028 жылға қарай 137,8 мың га суармалы жерді айналымға енгізуге мүмкіндік береді. Биыл су шаруашылығы нысандарын дамытуға облыстық бюджеттен 2,1 млрд теңге бөлінді, оның ішінде 1,4 млрд теңге 9 нысанды күрделі жөндеуге бөлінген. Ислам даму банкінің қаражаты есебінен суару желілерін реконструкциялау жұмыстары Ескелді, Ақсу, Алакөл және Көксу аудандарында жүргізіліп жатыр. 

Премьер-министр Алматы облысының Балқаш, Ескелді және Талғар аудандарының жетекші шаруа қожалықтарының тәжірибелік демонстрациялық алаңдарын, сүт-тауар фермаларын және материалдық-техникалық базасын аралап көрді. А. Маминге өсімдік шаруашылығы, мал шаруашылығы және ветеринария салаларындағы отандық ғылыми-зерттеу институттарының әзірлемелері, қарқынды егіншілік, асыл тұқымды жылқы шаруашылығы, ет пен сүт өндірісін кеңейту, сондай-ақ ауыл шаруашылығы өнімдерін терең өңдеуді дамыту жобалары таныстырылды.

Биыл Алматы облысының агроөнеркәсіп кешенінде 42 инвестициялық жобаны жүзеге асыру жоспарланған. 2020 жылдың төрт айының қорытындысы бойынша 2019 жылдың осы кезеңімен салыстырғанда ауыл шаруашылығында жалпы өнім көлемі 2,3%-ға, азық-түлік өнімдерін өндіру көлемі 14,2%-ға, ал АӨК өңделген өнім экспорты 27,6%-ға өсті. 

Талдықорған қаласында Премьер-министр тұрғын үй инфрақұрылымының дамуын, өңірді газдандыру жұмыстарының барысын, сондай-ақ «Нұрлы жол», «Жұмыспен қамтудың жол картасы-2020» бағдарламаларының іске асырылуын және т. б. тексерді. 

inbusiness.kz-ті қараңыз, оқыңыз :

Қасым-Жомарт Тоқаев жұмыс сапарымен Талдықорғанға барды

Мемлекет басшысы «Айбалта-2019» стратегиялық командалық-штабтық оқу-жаттығуына қатысады.

02 Мамыр 2019 10:49 294

Қасым-Жомарт Тоқаев жұмыс сапарымен Талдықорғанға барды

Қазақстан Президенті Қасым-Жомарт Тоқаев жұмыс сапарымен Талдықорған қаласына барды. Бұл туралы Президенттің баспасөз қызметі хабарлады.

«Мемлекет басшысы Алматы облысындағы бірқатар өндірістік, әлеуметтік және мәдени нысандарды аралайды. Өңірдің жұртшылық өкілдерімен, кәсіпкерлерімен кездесу, сондай-ақ, көктемгі егістік жұмыстарының барысымен танысу жоспарланған», – деп жазды Президенттің баспасөз хатшысы Берік Уәли әлеуметтік желіде­.

Сонымен қатар, Қасым-Жомарт Тоқаев «Айбалта-2019» стратегиялық командалық-штабтық оқу-жаттығуына қатысады.

Қасым-Жомарт Тоқаев жұмыс сапарымен Алматыға барды

Президенттің жұртшылық өкілдерімен, көпбалалы аналармен, жастармен және кәсіпкерлермен кездесуі жоспарланған.

30 Сәуір 2019 15:05 364

Қасым-Жомарт Тоқаев жұмыс сапарымен Алматыға барды

Мемлекет басшысы Қасым-Жомарт Тоқаев жұмыс сапарымен Алматыға барды, деп хабарлайды Президенттің баспасөз хатшысы Берік Уәли.

«Мемлекет басшысы бірқатар әлеуметтік және мәдени нысандарды аралайды. Қасым-Жомарт Тоқаевтың жұртшылық өкілдерімен, көпбалалы аналармен, жастармен және кәсіпкерлермен кездесуі жоспарланған», – деп жазды Берік Уәли facebook-тегі парақшасында.

Сондай-ақ, Мемлекет басшысы Қазақстан халықтарының бірлігі күніне арналған мерекелік іс-шараларға қатысады.

Жаңалықтарға жазылу: