Қорғаныс министрінің тәрбие және идеологиялық жұмыстар жөніндегі орынбасары Асқар Мұстабеков әскердегі оқу-жаттығуларда ескі қару-жарақ қолданылады деген ақпаратты жоққа шығарды, деп хабарлайды inbusiness.kz сайты.
Тілшілер әскердегі оқу-жаттығуларда қырқыншы жылдардағы қару-жарақ қолданылатыны туралы ақпарат рас па деп сұрады.
"Бұл шындыққа сәйкес келмейді. Біздің Қарулы күштерде қазіргі таңда қару-жарақтардың модернизациясы жүріп жатыр. Жаңадан еніп жатқан ұшақсыз ұшу құралдары, соларға қарсы тұратын қару-жарақтар және де соны меңгеретін операторлар дайындығы", – деді Асқар Мұстабеков Мәжіліс кулуарында.
Журналистер Отарға барғанда ескі қару-жарақтарды өз көзімен көргендерін нақтылады.
"Ондай жоқ. Мысалы, үлкен мемлекеттерді алып қарасаңыздар, олар 1978-1980 жылғы қаруларды қолданып жатыр. 40-ыншы жылғы қару-жарақтар да бар. Ол елдерде бұл қару-жарақ өзінің тиімділігін көрсетіп жатқаннан қолданылып отыр. Ал бізде ондай қырқыншы жылдардағы қару-жарақтар жоқ", – деді Асқар Мұстабеков.
Айта кету керек, бұған дейін әскерже сарбаздарға консервіленген киік еті берілуі мүмкін бе екенін жазғанбыз.
