Алматы облысындағы Сарыөзек гарнизонының N12740 әскери бөлімінің әскери қызметшісі өз-өзіне қол жұмсамақ болды, деп хабарлайды Қорғаныс министрлігінің баспасөз қызметі.
Бүгін таралған ақпарат бойынша, қатардағы жауынгер А.Мезенцевке қатысты жағдай өткен жұма күні орын алған.
Баспасөз қызметінен оның жағдайы бірқалыпты екенін, толыққанды медициналық көмек көрсетіліп жатқаны айтылды.
"Жағдайды анықтау барысында, қол жұмсау әскери қызметімен байланысты емес екені анықталды", - делінген хабарламада.
Қазір құзырлы органдар сотқа дейінгі тергеу жүргізіп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
