Қауіпсіздікті қамтамасыз ету мақсатында Әскери теңіз күштерінің Гидрографикалық қамтамасыз ету қызметінің мамандарымен Каспий теңізінің қазақстандық айлағындағы кеме қатынайтын солтүстік айдынының 5000-нан астам теңіз милі тексерілді, деп хабарлайды Қорғаныс министрлігінің баспасөз қызметі.
Тексеруге "Суе" мүйісінен "Гурьев" бөлігіне дейінгі аумақ кіреді. Аталған іс-шара теңіз түбінің бедерін анықтау үшін, сондай-ақ кемелердің жүзу қауіпсіздігі мен теңіздің бетіндегі қалқымаларды шығарып тастау үшін, ұсынылған зерттеу курсының бойында кезең-кезеңмен жүргізіледі.
"Біздің теңіз тереңдігін өлшейтін негізгі қаруымыз – эхолот. Ол теңіз түбінің кез-келген кедергісін 3 D-суретімен компьютерде ұлғайтып көрсетіп береді және Каспий су айдынында шұғыл және тиімді өлшем жүргізуге мүмкіндік береді. Егер біз кедергінің анықтай алмасақ онда су астына сүңгуірлер түседі де, фото-бейне құрылғылардағы күмәнді объектіні қарап, белгілейді, сондай кейін ол қазіргі сандық және классикалық қағазға, яғни айдынның картасына енгізіледі", - деді гидрографикалық партия командирі аға лейтенант Р. Жанұзақов.
