Елордада "сақалды құрылыстар" қатарындағы "Аспан" көппәтерлі тұрғын үй кешені пайдалануға берілді, деп хабарлайды қала әкімдігінің ресми сайты.
7 блоктан 13 қабаттан тұратын, бизнес-орталығы және паркингі бар "Аспан" кешені пайдалануға берілді. ВАК ұсынысымен мұнда "Аспанды үй" тұрғын үй-құрылыс кооперативі құрылды. Қалалық орта сапасы және бақылау басқармасының мәліметінше, жақын арада барлық 604 үлескер пәтер құжаттарына ие болады. Маусым айының соңына дейін тағы 3 нысан пайдалануға беріледі деп жоспарлануда.
Жыл басынан Нұр-Сұлтан қаласы әкімдігі жанындағы тұрғын үй құрылысына үлестік қатысу мәселелері жөніндегі ведомствоаралық комиссияның (ВАК) бақылауында 62 проблемалы нысан болды. ВАК жұмысының қорытындысы бойынша тұрақты бақылауға мұқтаж проблемалық нысандар саны 28-ге дейін қысқарды. Енді ВАК бақылауында бұрын проблемалық нысанға жатқызылған 23 нысан қалып отыр.
