/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Астана – Теміртау жолында ақы төлеуге арналған пост-терминалдар іске қосылды

Астана – Теміртау жолында ақы төлеуге арналған пост-терминалдар іске қосылды

Мамандар ақылы жолдан жылына 1,5 миллиард теңге қаржы түседі деп болжап отыр. 

12 Ақпан 2019 09:46 352

Астана – Теміртау жолында ақы төлеуге арналған пост-терминалдар іске қосылды

Астана мен Теміртау арасына көлікпен қатынайтындар бұдан былай ақша төлейді. Жол бойына орнатылған пост-терминалдар іске қосылды, деп хабарлайды 24.kz.

Мамандар ақылы жолдан жылына 1,5 миллиард теңге қаржы түседі деп болжап отыр. Бұл ақша келешекте автобанды жөндеуге, жол бойындағы қызмет сапасын жақсартуға жұмсалмақ.

2013 жылы «Нұрлы жол» бағдарламасымен автобан құрылыс басталып, үш жыл бұрын қолданысқа берілді. Енді мұнда ақша алатын пост-терминалдар іске қосылды.

«Ақылы жолдан түскен қаражатты біз яғни осы жолды күтіп ұстау, оны жөндеуге және жолды дамытуға, яғни, жол бойындағы қызмет көрсету орнын дамытуға жұмсаймыз. Бізде қазір бағдарламамыз бар. Яғни осы жол бойындағы жылы дәретханаларды және павильондарды орнатамыз», – дейді , «Қазавтожол» ҰК Бизнесті басқару басқармасының басшысы Бауыржан Камалиден.

Жол құны қолма-қол төлейтіндер үшін – 400 теңге, ал алдын ала төлесеңіз – 200 теңге. Ақыны кез-келген терминал немесе ғаламтор арқылы төлеуге болады. Ал жүк көліктеріне жол ақысы салмағына қарай бағаланбақ.

Мамандардың айтуынша, бұл жолдан тәулігіне 12 мың, ал жаз айларында 20 мыңға дейін көлік өтеді екен. Сондықтан жылына 1,5 миллиард теңге қаржы түседі деп болжанып отыр.

Депутат: «ҚазАвтоЖол» халықты қашанғы қанайды?

Мәжіліс депутаты Айқын Қоңыров ақылы жолдардың мәселесін көтерді.  

08 Қараша 2019 21:54 514

Депутат: «ҚазАвтоЖол» халықты қашанғы қанайды?

Депутаттың айтуынша, тарифтердің негізсіз қымбаттауы мен төлемді электронды түрде жасамайтын жүргізушілердің құқығы тапталуда, деп хабарлайды Atameken Business.

 Оның пайымдауынша, жолдар ақылы болады дегенде шенеуніктер жол ақысы 1 шақырымға 1 теңгеден аспайды, бұдан бюджетке қосымша 30 млрд теңге түседі деп мәлімдеген. Алайда, жолдың құны бірден қымбаттаған. Оның үстіне электронды түрде есеп айырысуды білмейтін, қолма-қол ақша беретіндер екі есе артық төлеуде.

 

Щучинск-Көкшетау-Петропавл автожолы ақылы болуы мүмкін

Аталған жол бөлігінде қазір төлемдерді қабылдау жүйесі іске қосылып, сынақтан өткізіліп жатыр.

02 Қараша 2019 11:07 806

Щучинск-Көкшетау-Петропавл автожолы ақылы болуы мүмкін

2020 жылдан бастап Щучинск-Көкшетау-Петропавл бағытындағы автожол ақылы болуы мүмкін. Бұл жөнінде Көкшетауда өткен қоғамдық тыңдау кезінде «Қазавтожол» компаниясының өкілдері мәлімдеді, деп хабарлайды 24.kz.

Аталған жол бөлігінде қазір төлемдерді қабылдау жүйесі іске қосылып, сынақтан өткізіліп жатыр. Жолда бес бірдей бақылау қақпасы орнатылған. Бірақ төлем алынып жатқан жоқ.

Көліктердің жүрісі ашық жүйе бойынша бақыланбақ. Яғни жол бойына шлагбаумдар мен терминалдар орнатылмайды. Ал төлем жасаудың бірнеше тәсілі қарастырылады. Ол автокөліктің мемлекеттік нөмірі арқылы немесе арнайы хабарламаның көмегімен жүзеге асыралады.

«Тестік режим біткеннен кейін біз қарасты министрлікке береміз. Ол министрлік әрі қарай тарифті белгілейді. Қазіргі таңда Қазақстанда 4 ақылы жол бар. Нұр-Сұлтан - Щучинск, Нұр Сұлтан-Теміртау, Алматы – Қапшағай, Алматы-Қорғас. Олардың барлығында ашық жүйе жоқ. Олардың барлығындағы төлем қабылдау пунктері ақылы жүзеге асып жатыр. Бұл бірінші Қазақстанда пилоттық режимде енгізіледі»,– дейді «Қазавтожол ҰК» АҚ ақылы жолдар дирекциясы филиалының бөлім жетекшісі Берік Хасенов.