Астана әкімдігі қаланың ең сұлу жас мұғалімін іздеп жатыр

447

Онлайн фотобайқау өтіп жатыр. 

Астана әкімдігі қаланың ең сұлу жас мұғалімін іздеп жатыр Фото: kingston.gov.uk

Астана қаласының Білім басқармасы "Ең сұлу жас ұстаз Астана2025" онлайн фотобайқауын өткізіп жатыр, деп хабарлайды inbusiness.kz сайты.

Ақпаратқа сәйкес, елордада "Жайлы мектеп" ұлттық жобасы аясында салынған білім беру ұйымдарында жас педагог мамандар жұмысқа көп орналасқан.

"Осыған сәйкес жаңа заманауи мектепте алғаш ұстаздық қызметін бастаған педагогтердің ынтасын арттыру мақсатында, яғни мұғалімдердің кәсіби дамуын қолдай отырып, "Ең сұлу жас ұстаз Астана2025" фотобайқауы ұйымдастырылып отыр",  делінген хабарламада.

Байқау онлайн дауыс беру форматында bilimastana парақшасында өтеді.

"Ең сұлу жас ұстаз Астана2025" фотобайқауына қатысу үшін әрбір жайлы мектеп атынан қатысатын бір педагог ұстаз кейпінде түскен сапалы суреттері және педагогика саласындағы жеткен жетістіктерін көрсете отырып, 87472005296 WhatsApp нөміріне жолдауы қажет. Ең көп дауыс жинаған педагог "Ең сұлу жас ұстаз Астана2025" байқауының жеңімпазы атанып, арнайы сыйлыққа ие болады",  деп хабарлады әкімдік.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу