Астана қаласының Нұрсұлтан Назарбаев атындағы халықаралық әуежайы БАӘ-нің Terminals Holding компаниясымен ресми түрде жұмыс істей бастады, деп хабарлайды inbusiness.kz сайты.
Еске сала кетсек, 18 қазанда терминалдар холдингімен ынтымақтастық туралы келісімге ҚР премьер-министрі Әлихан Смайыловтың Түркістан облысына сапары кезінде қол қойылды. Құжат әуежайды мультимодальды хаб ретінде дамытуға бағытталған.
Атап айтқанда, инвестициялар есебінен ұшу-қону жолағын күрделі жөндеуден өткізу және жүк терминалының қуатын арттыру жоспарлануда.
"Нұрсұлтан Назарбаев халықаралық әуежайы" АҚ басқарма төрағасы Ерғазы Жолдасовтың айтуынша, әуежай акциялары бір жыл ішінде инвестордың сенімгерлік басқару қарамағына беріледі.
"Бір жыл ішінде олар бизнес-жоспарды толығымен әзірлеуге және онда әуежайға қанша ақша салынатынын көрсетуге уәде береді", - деп түсіндірді Жолдасов.
Сонымен қатар, әуежайдың басқарма төрағасы әуе айлағындағы қызметтердің құны қымбаттауы мүмкін екенін жоққа шығармады.
