Астана халықаралық әуежайына ЭКСПО-2017 көрмесі туралы ақпараттар қамтылған интерактивті форматтағы тақырыпта промо стенд орнатылды. Мұнда көрмеге билет алуға болады. Жолаушылар ЭКСПО аумағына 3D экскурсиялық саяхат та жасай алады.
Сондай-ақ промо стендті тұтынушылардың әлемдегі танымал цирк Cirque du Soleil қойылымына билет сатып алуына болады. Cirque du Soleil әртістері көрмеге арнайы әзірлеген ерекше бағдарламаларын ұсынады. Ғажайып шоу ЭКСПО-ның "Болашақтың энергиясы" тақырыбымен ұштасады.
Сонымен қатар, көрмеге билеттерді халықаралық әуежай терминалының бірінші қабатында орналасқан Қазпошта бөлімшелерінен де алуға болады.
Қазірдің өзінде жолаушылар әуежай әкімшілігіне промо стенд арқылы көрсетіп жатқан сапалы қызметтері үшін алғыс білдіріп отыр. Олар астанадағы ауқымды бағдарламаларға бір жерден билет сатып алудың оңтайлы екендігіне сенімді.
Айта кетейік, көрмеге апта ішіндегі белгіленген күнге билеттің құны – 4000 теңге болса, демалыс күндеріне 6000 теңге. Қалаған күнге белгілеп алуға болатын билет құны басқаларынан 2000 теңге қымбат. Студенттер, оқушылар, зейнеткерлер 50 пайыз жеңілдікті пайдаланса, соғыс ардагерлері, 6 жасқа дейінгі балалар, жетім балалар, барлық топтағы мүгедектер көрмеге тегін кіреді.
