Астана әуежайында жөндеу жұмыстарының жүргізілуіне байланысты ұшақтардың ұшу кестесіне өзгерістер енгізілмек, деп жазады inbusiness.kz.
Ақпаратқа сәйкес, әуежайда 15 шілде мен 8 тамыз аралығында күн сайын 11.00-ден 18.00-ге дейін ұшу-қону жолағын жөндеу бойынша жоспарлы жұмыстар жүргізіледі.
“Air Astana әуекомпаниясы елордадан және елордаға орындалатын рейстер кестесіне тиісті өзгерістер енгізіп жатыр. Осы уақыт аралығына жоспарланған әуекомпания рейстері ертерек немесе кейінірек уақытқа ауыстырылады. Өзгеріске ұшыраған рейсттердің жолаушыларына билетті сатып алу орнында тегін қайта брондау немесе толық қайтару ұсынылады”, - делінген баспасөз хабарламасында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
