Компания жолаушыларға елорда әуежайындағы жоспарлы жөндеуге байланысты рейстер кестесінде уақытша өзгерістер болатынын ескертті, деп жазады inbusiness.kz сайты.
Өзгерістер ұшу-қону жолағына жасалатын жөндеуге байланысты болып отыр.
Жөндеу жұмыстары қазан айына дейін созылады:
- 1 қыркүйектен 4 қыркүйекке дейін;
- 7 қыркүйектен 31 қазанға дейін.
Уақытша өзгерістер Астанаға/Астанадан Алматы, Атырау, Ақтау, Ақтөбе, Орал, Қостанай, Өскемен, Франкфурт, Дубай, Сеул, Ыстамбұл, Анталья, Бейжің, Пхукет, Нячанг рейстеріне қатысты болады.
– Рейстері өзгерген жолаушылар алдын ала хабардар етілді. Түйісу рейстерін жоғалтқан жолаушыларға ұшудың балама нұсқалары ұсынылған, – делінген әуе компаниясы таратқан хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
