Бұған дейін Астана әуежайында барлық рейс уақытша тоқтатылып, екі сағатқа жабылған болатын.
Төтенше жағдайға қатысты қала әуежайының баспасөз қызметі түсініктеме берді.
"Жергілікті уақыт сағат 16:00-де Swissair әуе компаниясының Токиодан Цюрихке 777-300ER (ротаның борттық нөмірі HBJNI) ұшқан SVR161 рейсі Астана әуежайына шұғыл қонды. Экипаж 50 жастағы жолаушының инсульт алу мүмкіндігіне байланысты қонуға шешім қабылдаған. Сағат 16:00-де ұшақ сәтті қонғаннан кейін, ұшу-қону жолындағы бұрылыс кезінде экипаж қателігінен ұшақ жолақтан сырғып кетті. Осыған байланысты сағат 16:03-те апаттық-құтқару жұмыстарын жүргізу үшін ескерту жарияланды", – деп жазды баспасөз қызметі.
Осы оқиғаға байланысты әуе рейстерінің кешігуі мүмкін екені де ескертілді.
Қазіргі уақытта Астана халықаралық әуежайында ұшып шығуға жоспарланған 81 рейстің 6-ы, ұшып келуге жоспарланған 80 рейстің 15-і кешіктірілді.
Ұшуға:
- KС954 Астана - Алматы
- KС7508 Астана - Шымкент
- KС7334 Астана - Алматы
- DV734 Астана - Алматы
- KC992 Астана - Алматы
- KC7094 Астана - Алматы
Ұшып келуге:
- KC953 Алматы - Астана
- KC7352 Семей - Астана
- KC346 Өскемен - Астана
- IQ400 Ақтөбе - Астана
- KC206 Дубай - Астана
- DV5351 Камрань - Астана
- KC7091 Алматы - Астана
- KC7507 Шымкент - Астана
- KC7333 Алматы - Астана
- KC995 Алматы - Астана
- DV733 Алматы - Астана
- KC7063 Алматы - Астана
- IQ512 Новосибирск - Астана
- KC7364 Түркістан - Астана
- KC7326 Шымкент - Астана
Жолаушылар рейстердің жай-күйі және кестедегі ықтимал өзгерістер туралы ақпаратты авиакомпаниядан, сондай-ақ Астана халықаралық әуежайының www.nn-airport.kz ресми сайтынан немесе тәулік бойы жұмыс істейтін байланыс орталығының телефоны 8 (7172) 702-999 арқылы ала алады.
