Астана – Бурабай бағытында жаңа электропойыз іске қосылды

124

Пойыз алты вагоннан тұрады және 374 орынға арналған. 

Астана – Бурабай бағытында жаңа электропойыз іске қосылды Фото: "Жолаушылар тасымалы" АҚ

Ұлттық тасымалдаушы Астана – Бурабай бағдары бойынша "Burabay Express" жаңа электрпойызын іске қосты, деп хабарлайды inbusiness.kz сайты.

"Жолаушылар тасымалы" АҚ жолаушыларға Астана-Бурабай курорты бағдары бойынша №888/887 "Burabay Express" Comfort+ жаңа буын электрпойызын ұсынып отыр", – делінген хабарламада.

Пойыз алты вагоннан тұрады және 374 орынға арналған. Ол барлық қажетті техникалық тексерулерден өткен. Қазіргі уақытта Кеден одағының техникалық регламентінің талаптарына сәйкес құжаттаманы ресімдеу аяқталады.

Тасымалдаушы компанияның дерегінше, пойыз дизайнында қол жетімділік пен инклюзивтілік мәселелеріне ерекше назар аударылған. Әр класта биодәретханалар, соның ішінде мүмкіндігі шектеулі жолаушыларға арналған арнайы бейінделген кабиналар қарастырылған. Мүмкіндігі шектеулі жандарға ыңғайлы болу үшін платформалық көтергіштер қарастырылған.

"Автоматты шығарылатын аяқ тіректері, әсіресе егде жастағы жолаушылар мен балалары бар отбасылар үшін ыңғайлы отырғызу мен түсіруді қамтамасыз етеді. Пойыздағы әрбір орын мобильді құрылғыларды зарядтауға арналған USB қосқышымен жабдықталған. Сонымен қатар, құрамда салқын сусындар мен жеңіл тағамдар қарастырылған", – деп жазды ұлттық тасымалдаушы компаниядан.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу