Ернұр Рысмағамбетов "Астана" халықаралық қаржы орталығы әкімшілігінің төрағасы болып тағайындалды, деп хабарлады АХҚО баспасөз қызметі.
Бұл қызметте ол Нұрлан Құсайыновтың орнына келді. Тағайындалғанға дейін Рысмағамбетов АХҚО Әкімшілігі Төрағасының орынбасары қызметін атқарды. Қаржы орталығының баспасөз қызметі Құсайыновтың жаңа жұмыс орнын анықтай алмады.
34 жастағы Ернұр Рысмағамбетов JP Morgan Chase инвестициялық банкінің, Wilshire Associates, Inc инвестициялық компаниясының, "Самұрық-Қазына" жылжымайтын мүлік қорының және Falah Growth Fund жеке меншік қорының аналитикалық бөлімдерінде жұмыс істеді. 2017 жылдан 2019 жылға дейін біліктілікті арттыру бойынша AIFC бюросының (AIFC BCPD) директоры қызметін атқарған.
АХҚО – бұл экономикаға инвестицияларды тарту мақсатында құрылған, Қазақстан астанасында арнайы салықтық, валюталық, визалық режимі бар аумақ. Орталық компанияларды тіркеуді 2018 жылдың қаңтарынан бастады.
