/img/tv1.svg
RU KZ
Astana International Exchange биржасына алғаш рет «жасыл» облигациялар шығарылды

Astana International Exchange биржасына алғаш рет «жасыл» облигациялар шығарылды

«Даму» қоры орналыстырған құнды қағаздың құны 200 млн теңгеге тең.  

11 Тамыз 2020 22:18 202

Astana International Exchange биржасына алғаш рет «жасыл» облигациялар шығарылды

Astana International Exchange биржасына алғаш рет «жасыл» облигациялар шығарылды, деп хабарлайды Atameken Business.

Олар 3 жыл мерзімге орналыстырылып отыр. Купондық мөлшерлемесі – 11,75%. Ал сауда-саттықтан түскен қаржы экологиялық жобаларды жүзеге асырушы кәсіпкерлік субъектілеріне берілмек. Қаржыландыру екінші деңгейлі банктер мен микроқаржылық ұйымдар арқылы жүзеге асырылатын болады.  Инвестициялық жобаларды іріктеуде БҰҰ-ның Даму бағдарламасы техникалық қолдау көрсетпек.

Бердібек Сапарбаев «Даму» қорының басшысымен кездесті

Аймақ басшысы «Даму» қоры бизнес – ахуалды жақсарту және шағын және орта бизнесті белсенді қолдау бойынша ауқымды жұмыстар жүргізіп жатқанын атап өтті.  

23 Қыркүйек 2020 18:37 66

Жамбыл облысының әкімі Бердібек Сапарбаев «Даму» кәсіпкерлікті дамыту қоры» АҚ басқарма төрайымы Гаухар Бөрібаевамен кездесті, деп хабарлайды облыс әкімінің баспасөз қызметі.

 «Президент Қасым-Жомарт Тоқаевтың тапсырмасы бойынша елдегі кәсіпкерлікті дамытуға ерекше көңіл бөлінуде. Экономикалық проблемалар аясында бұл мәселе ерекше өзекті болып отыр. «Даму» қоры бизнесті дамытуға, перспективалық жобаларды іске асыруға және жаңа жұмыс орындарын ашуға барынша ықпал етуде», – деді Бердібек Сапарбаев.

Гаухар Бөрібаева қордың қолдауымен Жамбыл облысында бірнеше ондаған табысты жобалар жүзеге асырылғанын баса айтты.

«Мен бірнеше кәсіпорында болдым және олардың ең жаңа технологияларды қолданатындығына көз жеткіздім. Жамбыл облысында бизнес мейлінше жемісті дамуда. Жұмыс істеп тұрған шағын және орта бизнес субъектілерінің саны 68,7 мыңға жеткен», –  деді ол.

Жамбылдық кәсіпкерлер «Даму» қорының қаржыландыру, субсидиялау, кепілдендіру, оқыту секілді тиімді тетіктерін белсенді пайдалануда.

Нәтижесінде 11,3 мың жоба жүзеге асырылған.

Ағымдағы жылы бірінші бағыт – бизнес-жобаларды қаржыландыруды жүзеге асыру бойынша Жамбыл облысы басқа аймақтар арасында екінші орынға тұрақтаған. 1 тамыздағы жағдай бойынша 9560 қарыз алушы тіркелген. «Бизнестің жол картасы-2025» аясында 1057 жоба субсидия алса, ал 486 жоба ішінара несиелік кепілдемеге қол жеткізген.

«Береке» өңірлік қаржыландыру бағдарламасы аясында  ағымдағы жылдың 1 тамызындағы жағдай бойынша 150 қарыз алушы қаржыландырылған.

Гаухар Бөрібаева сонымен қатар «Нұрлы жер» және «Қарапайым заттар экономикасы» бағдарламаларының тетіктері туралы тоқталып өтті.

Кездесу қорытындысымен тараптар бұдан әрі де өзара тиімді ынтымақтастықта жұмыс істеуге ниет білдірді.

 

Бизнеске 6%-дық несие беріледі

Несие шілде айынан бастап беріледі .  

08 Маусым 2020 13:34 1100

Ұлттық экономика министрі Руслан Дәленов карантин кезінде әлсіреген экономиканы қайта қалпына келтіру үшін арзан несие беру маңызды екенін айтты. Ол үшін кепілзаттың жеткіліксіздігі мәселесі де шешілуде.

«Биылғы жылдың соңына дейінгі экономикалық өсімді қалпына келтіру тек салықтық ынталандыру ғана емес, сатып алулардағы қазақстандық құрамның болуын арттыру, кейбір шектеулерді алып тастау, несиелеуді кеңейту, бюджеттік шығындарды көбейту және басқа да көптеген шараны қамтиды. Менің ойымша, несиенің қол жетімді болуы және несие алу үшін кепілзаттың жеткіліксіздігі мәселесін шешу – басты жетістік. Сол себепті, кешенді жоспар аясында шағын және орта бизнес өкілдеріне микронесие беру қарастырылуда», – деген Руслан Дәленов ШОБ өкілдеріне мөлшерлемесі 6%-дан аспайтын несие берілетінін мәлім етті.

«Қаржыландыру тетіктері «Бизнестің жол картасы» бағдарламасы арқылы жүзеге асады. Бұл бағыт бойынша бизнес 6%-дан несие алады. Несиелерді екінші деңгейлі банктер береді. Соңғы мөлшерлеме 6%-дан аспауы үшін республикалық бюджеттен көмекқаржы бөлінеді. Бұл кәсіпкерлер үшін мөлшерлемені төмендетуге мүмкіндік береді. Айналымдық қаражатын толтыру үшін 5 млн теңгеге, өндірістік қажеттіліктерге 20 млн теңгеге дейін алуға болады. Қазіргі несиенің пайызы жоғары болғандықтан, несие берудің бұл түрі жоғары сұранысқа ие. Кепілзат жеткіліксіз болса, мемлекет кепіл болады», – деді министр.

Руслан Дәленовтің айтуынша, жобаларды қарастыру келісім арқылы жеңілдетілген түрде жүргізіледі. Негізгі берешектің кепілін «Даму» қоры 85%-ға дейін қамтамасыз етеді.  

Нұржан Көшкін