Астана полициясы елордадан Қарағандыға кеткен жас жігіттің жоғалып кетуіне байланысты мәлімдеме жасады, деп хабарлайды inbusiness.kz сайты полиция департаментінің хабарламасына сілтеме жасап.
Полиция қызметкерлері із-түзсіз жоғалған Нұрсұлтан Жәнібекұлын анықтау мақсатында жедел іздестіру шараларын жүргізіп жатыр. 18 жастағы жігіт 9 желтоқсанда жеке көлігімен Астанадан Қарағандыға тапсырыс алған. Куәгерлердің айтуынша, ол кейін Қарағандыдан Алматыға кеткен. Содан кейін байланысты тоқтатқан.
"Елорда тұрғыны Байқоңыр ауданы әкімшілігіне жалға алынған Chevrolet Cobalt автокөлігімен жеке жүргізу үшін үйінен шығып кеткен 18 жастағы ұлын табуға көмектесуін сұрап арызданған. Астана полиция департаментінің қызметкерлері іздестірілуде. Адамдардың жаппай шоғырланған жерлері тексерілуде, жатақханалар мен қонақүйлер, жоғалған адамның байланыс шеңбері анықталуда, бейнебақылау камералары қаралуда", - делінген елордалық полиция департаментінің баспасөз қызметі таратқан хабарламада.
Полиция Нұрсұлтанның қайда екенін білетін азаматтардан Астана қаласы Байқоңыр аудандық Полиция басқармасының криминалдық полиция бөліміне 8 (7172) 71-60-87, 8 (7172) 20-23-29, 8 (775) 217 80 98 телефондары арқылы хабарласуларын сұрайды.
