28 қарашада қаланы қардан тазалауға 272 жұмыскер шықты, деп хабарлайды Астана қаласы әкімдігінің ресми сайты.
"Астана Тазалық" ЖШС-нің ақпаратынша сәрсенбіде аталмыш жұмыстарға мамандандырылған техниканың 643 бірлігі жұмылдырылған.
Тазаланған қардың жалпы көлемі – 38 297 текше метр. "Астана Тазалық" қала сыртына қардың 19 276, өзге мекемелер 17121 текше метр, "Астана көгалдандыру құрылысы" 1900 текше метрін шығарды.
16 қазаннан 27-шы қарашаға дейін 431 594 текше метр қар шығарылды. 28 қарашада құм-тұз аралас қоспаның 147 текше метрі шашылды. Көктайғаққа қарсы реагенттің 5,28 тоннасы себілді. 13 қазанан 27 қараша аралығында себілген құм-тұз аралас қоспаның жалпы көлемі 7835,5 текше метрді құрайды.
Астана әкімдігі тұрғын үй-коммуналдық шаруашылығына қатысты барлық сұрақтарды 109 нөмірі бойынша қалалық iKomek мониторинг және жедел әрекет ету орталығының call-орталығына тәулік бойы жолдауға болатындығын еске салады. Сондай-ақ, iKomek орталығына келесі әдістер бойынша хабарласуға болады.
