/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 435,65 Brent 36,55
Астана көшелеріне коронавируспен күресіп жүрген дәрігерлердің суреті ілінді

Астана көшелеріне коронавируспен күресіп жүрген дәрігерлердің суреті ілінді

Бұл – медицина қызметкерлеріне пандемия кезіндегі қажырлы еңбегі үшін көрсетілген құрмет.  

02 Тамыз 2020 11:27 112

Астана көшелеріне коронавируспен күресіп жүрген дәрігерлердің суреті ілінді

Нұр-Сұлтандағы билбордтарда елордалық аурухана дәрігерлерінің суреттері пайда болды, деп хабарлайды astana.gov.kz.

Осылайша, акция бастамашылары дәрігерлерге қажырлы еңбегі мен індетпен күресте өмірін сақтап қалғаны үшін алғыс білдірді.

Жалпы, қаланың орталық көшелерінен 40-тан астам дәрігердің суретін көруге болады. Олар – Тұрсын Раида, Дәурен Молдажанов, Марина Макиенко, Ғайса Нұрғалиев, Жазира Нубин және басқалар.

Пандемиямен күреске бес мыңға жуық дәрігер тартылған.

Бүгінгі таңда біздің дәрігерлердің адалдығы мен кәсібилігін бағаламау мүмкін емес. Бірнеше айдан бері ақ халаттылар коронавирусқа қарсы күресте алдыңғы қатарда болды. Олар бірнеше апта бойы отбасы мен достарынан жырақта, балаларын, әйелі мен күйеуін, әкесі мен анасын көрмейді. Сонымен қатар, олар аурудың азабын тартып жатқан отандастарымен күнделікті бетпе-бет келіп, адам өмірі үшін күреседі. Біздің дәрігерлердің жанқияр еңбегінің арқасында көптеген адамдар үйге анасына, әкесіне, әйелі мен күйеуіне қайта оралды.

Мемлекет дәрігерлердің еңбегін жоғары бағалап, барша халық үлкен ризашылық білдіреді.

Air Astana табысы 140 млрд теңгеге төмендеуі мүмкін

Компания 7300 рейс жоспарлап, оның 67%-ын орындай алмаған.

24 Сәуір 2020 16:12 307

Air Astana табысы 140 млрд теңгеге төмендеуі мүмкін

Биылғы жылы ұлттық әуе тасмалдаушысының табысы 140 млрд теңгеге немесе 33%-ға төмендеуі мүмкін. Бұл туралы «Самұрық-Қазына» АҚ логистика және халықаралық ынтымақтастық жөніндегі басқарушы директоры Қанат Алпысбаев мәлімдеді.

«Егер жоспарлы көрсеткіштер туралы айтар болсақ, биылғы жылы Air Astana табысы 140 млрд теңгеге немесе 33%-ға төмендейді. Ал Qazaq Air компаниясының табысы 6,2 млрд теңгеге немесе 44%-ға төмендейді», – деді Қанат Алпысбаев.

Сондай-ақ ол бұл көрсеткіштер әуе қатынасы 15 мамырдан ары қарай жанданған жағдайда расталатынын атап өтті.

«Мен әуе компаниялары 15 мамырда жұмысын жалғастыра бастағандағы жағымды сценариді айтып отырмын», – деді «Самұрық-Қазына» АҚ  логистика және халықаралық ынтымақтастық жөніндегі басқарушы директоры.

Жалпы наурыз-сәуір айларында Air Astana компаниясы 7300 рейс жоспарлап, оның 67%-ын орындай алмаған. Ал бұл уақытта Qazaq Air 1520 рейсті жоспарлаған. Алайда әуе тасымалдаушысы оның 1110-ын жүзега асыра алмаған.

Құралай Құдайберген

Ата-аналар қашықтан оқыту форматын қолдайды

Қазіргі пандемия жағдайына қарамастан, бала білімнен қол үзбеу керек.  

18 Сәуір 2020 22:08 295

Ата-аналар қашықтан оқыту форматын қолдайды

Осындай пікірді бүгін «Қашықтан оқыту - оқушылар мен ата-аналар үшін жаңа тәжірибе» тақырыбында ҚР Білім және ғылым вице-министрі Шолпан Каринованың қатысуымен өткен онлайн-брифинг барысында Түркітілдес журналистер қорының президенті Нәзия Жоямергенқызы айтты.

«Қашықтан оқыту – оқушылар мен ата-аналар үшін жаңа тәжірибе»  атты веб-конференция форматында өткен жиналысқа ата-ана ретінде Түркітілдес журналистер қорының президенті Нәзия Жоямергенқызы, ақтаулық үш оқушының анасы Ақбөбек Жолбасарова қатысты. Сондай-ақ, қоғам қайраткері Мұрат Әбенов, химия пәнінің мұғалімі Жігер Телеуханов, танымал  тележүргізуші Гүлнәз Әлімгерей және блогер Алмас Тоқабаев қащықтан оқытуға қатысты өз пікірлерімен бөлісті.

«ЮНЕСКО мәліметі бойынша, қазір әлемде 1 млрд 400 млн-ға жуық бала мектепке бара алмай отыр. Бірақ бала білімнен қол үзбеуі керек. Карантин басталған кезде балаларды оқыту форматына қатысты Үкімет тарапынан қабылданған шешімдермен келісемін. Балалар мерзімінен ерте демалысқа жіберілді. Білім және ғылым министрлігі ақылы сайттарды тегін қылып, жаңа мүмкіндіктер берді», – дей келе, Нәзия Жоямергенқызы пандемия жағдайында қашықтан оқыту форматын қолдайтындығын айтып жеткізді.

Білім және ғылым вице-министрі Шолпан Таңатқызы ата-ананың бұл пікірімен толықтай келісіп, білім саласы бойынша мемлекеттік комиссияға ұсынылған барлық шешімдердің жылдам қабылданғандығы туралы айтып жеткізді.