Іс-шараның мақсаты – ұлттық мұраға құрмет көрсету, ұрпақтар сабақтастығын сезіндіру және қазақ мәдениетінің мәңгілік құндылықтарын дәріптеу.
Мерекелік бағдарламаның негізгі бағыттары:
Күйші мен серілер шеруі: Құрманғазы, Дина, Ақан сері бейнесіндегі әртістер 3-4 сағат бойы Атырау көпірінде болып, қонақтармен тікелей араласады.
Домбыра шеберханасы: Жас қонақтар домбыра тартуды үйренуге алғашқы қадам жасайды.
Интерактивті аймақтар: "Күйді тап", домбыра-пазл, викториналар және музыкалық ойындар.
Желмен жеткен үн: Күйлердің атауы мен күйшілердің есімдері жазылған ленталар арқылы жасалған атмосфералық инсталляция.
Ұлы домбырашылар мұрағаты: Жасанды интеллект көмегімен Құрманғазы, Дина Нұрпейісова, Нұрғиса және басқа да тарихи тұлғалардың бейнесі LED-экранда "тіріледі".
"100 кітап" жобасы: Домбыра туралы әдебиеттер көрмесі, кітапханашылармен кездесу және мәдени жадыға терең үңілу.
Домбыра-кино: Ашық аспан астында, қазақ ауылы стилінде ұйымдастырылған алаң: кілемдер, самаурынмен шай және қазақ музыкасына арналған деректі фильмдер.
Мерекелік концерт: Амфитеатр сахнасында аңызға айналған күйлер мен халық әндері орындалады.
Бұл күн жай ғана мереке емес. Бұл – тарихпен қауышу, болмысты еске алу, жүрекке жеткен халық үніне құрмет білдіру күні.
