Елорданың қылмыстық істер жөніндегі мамандандырылған ауданаралық сотының судьясы Виктория Семёнова Astana LRT ісі бойынша Талғат Ардан мен Қанат Сұлтанбековке сырттай үкім шығарды, деп inbusiness.kz informburo.kz-ке сілтеме жасап жазады.
"Қанат Сұлтанбеков ҚР Қылмыстық Кодексінің 235-бабы 3-бөлігі бойынша кінәсіз деп танылсын және сот оны қылмыс жасағаны дәлелденбегені үшін ақтауға үкім шығарды. Қанат Сұлтанбеков ҚР ҚК-ның 28-бабы 3-бөлігі, 189-бабы 2-тармағы бойынша қылмыс жасағаны үшін кінәлі деп танылсын және мемлекеттік қызметте қызмет атқару құқығынан өмір бойына айыра отырып, 7 жылға бас бостандығынан айыруға жазасы тағайындалсын. Ардан Талғат ҚР ҚК-ның 262-баптың 3-бөлігі бойынша кінәсіз деп танылсын және қылмыс жасағаны дәлелденбегені үшін ақталсын. ҚР ҚК-ның 189-бабы 4-бөлігі 2-тармағы бойынша жасалған қылмыс үшін кінәлі деп танылсын және мемлекеттік қызметте, судьяда және жергілікті өзін-өзі басқару органдарында лауазымдарды атқару құқығынан өмір бойына айыра отырып, 7 жылға бас бостандығынан айыру жазасы тағайындалсын”, - делінген сот үкімінде.
Бұдан бөлек бұл іс бойынша басқа да айыпталушыларға қатысты сот үкімі шықты.
