"Астана" вело командасының жартысы канадалықтарға сатылатын болды. Бұл туралы "Samruk-Kazyna" қорының баспасөз қызметі хабарлады.
Осыған байланысты 2021 жылдың қаңтарынан бастап команданың атауы өзгереді. Нақтырақ айтсақ, "Astana Pro Team" ұжымы енді "Astana-Premier Tech" деп аталады. Бұдан былай "Самұрық-Қазына" ұлттық әл-ауқат қоры команданы тек 50 пайызға қаржыландырады. Сондай-ақ болашақта велокоманда өзін-өзі қамтасыз етіп, "Әлемдік Тур" жарыстарына тәуелсіз ұжым ретінде қатысатын болады.
Айта кетейік, биылғы жылдың қазан айында "Самұрық-Қазына" қоры "Астана президенттік" клубына кіретін бірнеше спорттық ұжымды тікелей қаржыландыратынан хабарлады. Бұған дейін командаларды қаржыландыру осы ұйым арқылы жүргізілген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
