Астана Сирияға қатысты келіссөз жүргізетін орындарды дайындауды бастады. Бұл туралы "Интерфакс-Казахстан" агенттігіне еліміздің сыртқы істер министрінің орынбасары Мұхтар Тілеуберді мәлім етті.
"Қазақстан келіссөз өткізуді құптайды және біз ол үшін орын ұсынуға дайынбыз. Келіссөздің үдерісі, тақырыбы, қатысушылары – оны келіссөзге қатысушылар анықтайды. Бірақ ұйымдастыру мәселесіне біз, әрине, дайынбыз", – деді Мұхтар Тілеуберді сейсенбі күні Астанада.
Дайындық басталды ма деген сұраққа ол "Иә" деп жауап берді.
"Біз орын ұсынатынымыз анық. Ұйымдастыру жағынан дайынбыз. (Өтетін орны – ИФ) қатысушылардың саны және тағы басқаларына байланысты", – деп атап өтті ол.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
