Нұр-Сұлтан қаласы Полиция департаменті бастығының орынбасары Г.Нұрқаевтың айтуынша ағымдағы жылғы 23 мамырда сағат 16.00-де Нұр-Сұлтан қаласы "Астана су арнасы" МҚК канализациялық сорғы станциясы резервуарында демонтаждау жұмыстарын жүргізу барысында төрт жұмыскер қайтыс болды, бір жұмыскер медициналық мекемеге жатқызылды.
Нұр-Сұлтан қаласы Полиция департаменті 2019 жылғы 23 мамырда еңбекті қорғау ережесін бұзу нәтижесінде екі немесе одана да көп кісі өліміне әкеп соқтырған факті бойынша сотқа дейінгі тергеп-тексеруді бастады.
Тергеп-тексеру барысында бірқатар сараптамалар және арнайы тексерістер жүргізілді, оқиғаны көрген адамдардан жауап алынды. Жүргізілген тергеу іс-шаралары барысында "Астана су арнасы" МҚК лауазымдық тұлғалары кінәлі екені анықталды.
2019 жылғы 13 маусымда осы факті бойынша "Астана су арнасы" МҚК екі басшысы, Нұр-Сұлтан қаласының тұрғындары азамат В және М ұсталып, Нұр-Сұлтан қаласы ПД УҰИ қамауға алынды.
Видео:
