Былтыр "Астана-Теплотранзит" АҚ жылу желілерін жаңғыртуға және қайта жаңартуға 781,3 млн теңге жұмсады. Іс барысында 6 160 шақырымды құрайтын құбыр ауыстырылды.
Белгілі болғандай, ескірген жабдықтарды алмастыру мен жаңа жабдық сатып алуға - 37,7 млн, лицензиялық бағдарламаларды сатып алуға - 6,9 млн,
құралдар мен жүйелерді сатып алуға - 9,8 млн, сондай-ақ көлік және арнайы механизм сатып алуға - 144,4 млн теңге бөлінген.
Биыл "Астана-Теплотранзит" АҚ-ның инвестициялық бағдарламасы 1 617,7 млн теңге болып бекітілген. Бүгінге дейін инвестициялық бағдарламаның 70%-ы орындалған.
Келесі жылы акционерлік қоғам жоғарыдағы жұмыстарды атқаруға 1 356,1 млн теңге жұмсамақшы.
Табиғи монополияларды реттеу комитетінің төрағасы Асан Дарбаев "Нұр-Сұлтан қаласындағы "Астана-Теплотранзит" АҚ нысандарын аралау барысында жылу желілерінің қазіргі жай-күйімен танысты.
"Астана-Теплотранзит" АҚ басқарма төрағасының құрылыс және күрделі жөндеу жөніндегі орынбасары Б. Нұғыманов 2019-2020 жылдардағы жылыту маусымына сақадай сай екенін мәлімдеді. Өз кезегінде Асан Дарбаев жылумен жабдықтау нысандары алда болатын суықтарда жылуды уақытында және сапалы беруге тиіс дегенді шегелеп жеткізді.
Қанат Махамбет
