Астана тұрғыны "Астанаэнергосбыт" ЖШС-не 13 млн теңге қарыз, деп хабарлайды ҚазАқпарат..
"Астанаэнергосбыт" ЖШС Астана қаласының Сарыарқа аудандық сотына қарыз азамат тұтынған электр энегриясының ақысын алып беруді сұрап, шағым түсірген.
"2017 жылдың басында "Астана-РЭК" АҚ-ның мамандары жауапты азаматтың электр энергиясын тұтынуда заңбұзушылықтарға жол бергені жөнінде акт толтырған. Бұған қоса, электр тұтыну көрсеткішін өлшеу құралына жүргізілген тексерулер аспаптың ішкі жағына зақым келгендігін де анықтаған", - делінген хабарламада.
Сот таратқан ақпарат бойынша, жауап беруші азамат өзіне шағым түсіргендердің мәліметтерін жоққа шығаратын дәлелдер келтіруге тырысқан.
Сот шешімімен "Астанаэнергосбыт" ЖШС-не жауап беруші азаматтан қажетті сома алынды.
Сот шешімі әзірге күшіне енбеген.
