Көкшетауда полиция қызметкерлері адам ағзасын сатудың жолын кесті, деп хабарлайды Inbusiness.kz сайты Polisia.kz-ке сілтеме жасап.
Портал мәліметінше, қазақстандық өзінің бүйрегін 18 мың АҚШ долларына бағалап, кездейсоқ сатып алушыға интернет арқылы саудалауға тырысқан. Автор желі қолданушыларына өз мүшесін сатуды ұсынды, ал алу операциясы туралы барлық келісімді қабылдаушы ұйымдастыруы керек еді.
Танымал әлеуметтік желідегі ерекше хабарландыруға Ақмола облысының ПД ұйымдасқан қылмысқа қарсы күрес басқармасының қызметкерлері назар аударып, донормен байланысқа шықты.
Бірнеше апта бойы полицейлер арнайы жедел-іздестіру іс-шараларын жүргізді. Нәтижесінде трансплантация жасау және ақша қаражатын беру туралы мәміле жасалды.
Көкшетау қаласында ҰҚҚКБ қызметкерлері, ақша беру кезінде күдіктіні ұстады. Алғашқы тергеу әрекеттері аясында полицейлер ер адамның Ақтөбе қаласының тумасы, бірақ елордада тұратынын анықтады.
Қатысушының өзі мұндай шарасыз қадам үшін ол ойынға тәуелділіктен жинақталған көптеген қарызына байланысты шешім қабылдағанын түсіндіреді. Бұл дерек бойынша тергеу жүргізіліп жатыр.
