2 маусымда Астанада "Vөңдеу" экологиялық жәрмеңкесі өтеді. Шараның белсенді қатысушылары арасында ұтыстар ойнатылады, деп хабарлайды elorda.info.
"Кез-келген адам экологиялық шараға қатысушы бола алады. Негізгі шарт - өзіңізбен бірге қайта өңдеуге жарамды зат ала келу. Экологиялық бастаманы қолдаңыз және жүлдеге ие болыңыз!", - дейді ұйымдастырушылар.
"Vөңдеуге" пластик, шыны, картоннан жасалған қорапшалар, электрлі тұрмыстық техника, сондай-ақ қағаз қалдықтар, энергияны үнемдейтін шамдар мен батарейкалар, аккумляторлар қабылданады.
Келушілер назардан тыс қалмайды. Әр адам өз білімін тексеріп, арнайы жүлделерге ие бола алады және экологиялық викториналар мен жарыстарға қатыса алады.
#ЭкоАсар "Vөңдеу" (Vпереработку) шеңберінде концерт өтеді. Акцияның хедлайнері - әнші Айқын.
Шара Қажымұқан Мұңайтпасов көшесі, 9 ғимарат, "Қазақстан" спорт сарайының аумағында, сағат 11.00 басталады.
